馬浚偉上山詩鈉換電話失聯

藝人馬浚偉近日拍攝其製作及主持的電視節目《緣來自咖啡》，邀請了相識25年的好友上山詩鈉（Anna）擔任嘉賓，回想起兩人昔日一起飲酒吹水的日子：「當年我哋有個『歡樂四人組』，我、Anna、尹錦輝同埋甄楚倩，成日約出嚟飲酒飲通宵，大家無所不談，真係好開心。」他指兩人因換了電話號碼而失聯多年，去年才在機場重遇：「咁多年冇見，佢都係咁可愛，有嗰句講嗰句，真到爆！」Anna則大讚老友人生態度積極，不斷學習及作多方面發展。