吳岱融昨日出席樓盤活動，談及在劇集《BB大晒》中飾演其子的馬國明有新戀情，他即催婚：「佢都唔細啦！我37歲結婚都畀人話遲，佢係筍盤，人緣好又孝順，同埋湯洛雯係好朋友湯鎮宗個女，家庭背景好好，如果請飲梗係去！」又爆料指見過二人「咿挹」：「耐唔耐喺公司見佢同個女俠（湯洛雯正拍攝古裝戲）傾偈，仲唔止一次添！唔好意思行埋去騷擾佢哋。」
