岑日珈小腸黐肌肉開刀

藝人岑日珈13歲時因為盲腸炎入院，卻因醫療事故，害她一星期內連做兩次手術，更有後遺症，每年會腸絞痛而需住院。昨日她在社交網上載吊鹽水照片，原來她今年4月底又因腸痛而動手術：「平時打止痛針、吊鹽水，唔食嘢，等條腸自行鬆番，但今次痛到狂嘔，醫生幫我插胃喉抽啲氣出嚟，啲腸發大，我個肚不停脹大，好似怪獸咁肉酸，試過有日打咗十幾支止痛針都唔得，初初以為小腸黐住大腸，後來做咗微創先睇到我條小腸唔知點解會黐住肌肉層，醫生話罕見，但微創做唔到，最終都係要開刀。」