馮盈盈江嘉敏攬實泯恩仇
無線小花馮盈盈與江嘉敏的友情自「億元船P」後備受關注，兩人昨日出席公開活動時攬頭攬頸，毫無芥蒂。問到今次是否一個考驗？她們聲稱：「冇咁戲劇化！」
「TVB Amazing Summer」昨日舉行記者會，半百藝人包括王浩信、張振朗、馮盈盈、江嘉敏等均有亮相。馮盈盈與江嘉敏成為焦點，是她們自「億元船P」後首次碰頭，記者邀兩人合照時，她們有說有笑兼攬頭攬頸，江嘉敏更嬌嗔：「我着波鞋咋，你（盈盈）可唔可以唔好影得咁高呀？」問到是否已約到「生日飯」？江嘉敏說：「約緊，唔會拖太耐，最多食番幾餐啫！我近排《七公主》廠期好忙，今朝七點幾先收工。」
盈盈指兩人碰面與「尷尬」完全扯不上關係：「只係各有各忙。呢排我都比較靜，又少咗出去。」問到今次是否算是「友情考驗」？二人異口同聲說：「大家有少少諗多咗，其實冇咁戲劇化嘅。」
湯怡吊起嚇到喊
至於王浩信與湯怡主演的新劇《反黑路人甲》（前名《極道怪咖》）將於暑假推出。談到拍攝時的難忘事，湯怡說：「有場戲講我喺廿幾樓被吊，劇本起初係話十幾樓咋，嚇到我喊咗出嚟！」而王浩信透露會翻唱鄭伊健名曲《甘心替代你》為劇集歌曲。提到太太陳自瑤在《那些我愛過的人》以泳衣Look登場，獲網民讚索爆，王浩信說：「咁佢不嬲都索嘅。（拍之前你知？）係。」