陳家樂被嫌「床戰」唔掂？
藝人陳家樂及湯怡於英皇新片《死因無可疑》有火辣床戲，湯怡踢爆家樂不滿被「賽後檢討」，又投訴「被拮」，家樂則打趣對方「唔識享受」，引到全場爆笑。
二人前晚現身尖沙咀，出席電影謝票活動，家樂自爆今次開工，獲導演袁劍偉厚待：「其他演員1、2個take就收貨，但佢要求我做出同平時好唔同嘅演繹方法，所以成日NG，試過十幾個take先滿意。我睇番都覺得同平時嘅自己好唔同，尤其眼神方面，真係好多謝佢。」講到與湯怡相識十數載，今次終有機會演情侶，而且有激烈床上戲。湯怡談起此事大發嬌嗔：「佢話唔鍾意我賽後檢討！」家樂聞言即急忙補充：「平時唔熟嘅對手，拍完就拜拜，今次佢係咁問我覺得點，仲話我啲鬚拮到佢好痛，我聽完個心都乸住，好似我表現好差咁，咪截停叫佢唔好再講落去。」
想留鬚試新嘢
他指明白一般女士不喜歡男士有鬚根，又笑湯怡不懂享受，記者即追問連詩雅是否識「享受」？家樂即靦覥地說：「冇冇冇，我講一般女仔啫，冇指定邊個。你哋（記者）問啲我識答嘅嘢啦，其他嘢唔知。」他並表示真的想嘗試留鬚：「想試多啲唔同嘅嘢，如果有新角色可以留鬚就好喇！」