鄭伊娜BB教育基金有着落

現正懷孕的藝人鄭伊娜與老公潘敬祖同屬演藝人協會會員，對於收到抗疫支援金，鄭伊娜透露全數會成為BB的教育基金，又指申請過程簡單快捷：「我哋係5月11日收到表格，入面有填你呢兩年做過乜嘢，唔使證明。5月26日演藝人協會話處理緊，6月2日就已經可以拎錢，過程都好快。」但就表示不太清楚申請資格。

而ViuTV主持兼美國華埠小姐李昭南，則表示會將大部分支援金捐贈給有需要人士：「首先我會捐畀慈善機構，之後會捐畀趕唔切申請嘅藝人朋友，最後留番少少畀自己資助近日推出歌曲嘅經費。」她續說：「冇聽過有朋友申請唔到。（幕後人員呢？）我聽聞呢個基金好似係畀幕前嘅人申請，不過係點我就唔清楚。」