駱胤鳴考牌增值部署做老闆
歌手駱胤鳴面對樂壇不景氣，惟有分散投資自我增值，去年底她花了兩萬元報讀兩個寵物美容課程，她說：「我先考C牌，本來諗住讀埋A牌或B牌，原本A牌要去外地考，因為疫情關係，所以我喺香港讀埋B牌。攞到C牌證書後，要經過實習去操作美容室裏面嘅儀器，先可以讀到B牌，唔係想讀就可以。」
在實習過程中，他們從狗場借狗隻回來剪裝，她說：「更好嘅狗場衞生環境都有啲污糟，照顧得再好，都會同有主人照料嘅有少少分別，所以我一路剪一路同自己講，我要養佢哋，等佢哋生完我就養佢哋。」最難忘有隻叫「黑豆」的貴婦狗仔，嗲到像毛公仔般可愛，令她愛不釋手：「每次幫佢做完美容就係咁想抱佢，想帶佢返屋企。」她笑言上堂見識到好多不同品種的狗，對她將來開狗舖頭或養狗好有幫助，她說：「我遇過一隻標準嘅貴婦狗係高過我。」
預算投資50萬
駱胤鳴計劃考完牌便開舖，保守估計至少要投資50萬元，但目前要再從長計議，因為讀書考牌時，明白實習的經驗好重要，她想先到寵物美容院打工吸取更多知識，再諗自己做老闆。