梁競徽最激床戰老婆冇眼睇

藝人梁競徽正身在內地為電影《奪命血珀》開工，孭飛擔任男主角的他飾演退役特種部隊，除了要應付大量動作戲份，更要拍攝激烈床戲，坦言事前已跟太太備案，他笑說：「太太明白事理嘅，佢亦唔會睇，睇唔到就冇嘢啦，換轉係我太太拍呢啲戲，即使我係演員，我都唔想睇到啦。」

親熱唔飲咖啡

競徽指拍攝床戲壓力很大，起床刷牙後連咖啡也不敢喝，以免有口氣，他說：「正式拍攝都冇諗咁多，盡量投入，對手王飛斐係第一次拍呢類型親熱戲，自己都係最激嘅一次，出嚟效果好好，最辛苦係拍攝時屋內唔可以開冷氣，張被又厚，就算冇着衫都超熱。」

戲中動作戲、槍戰場面多多，競徽卻很享受拍攝這些場面，現場亦有專業軍事顧問指導動作、隊形、走位，務求令拍攝效果更佳。他慶幸之前拍戲受傷的舊患已逐漸康復，為求逼真，戲中動作戲皆親身上陣。

珍惜拍攝機會

天氣日漸炎熱，拍攝過程可辛苦嗎？競徽說：「係好熱，要狂飲水，每日開完工都要飲甜嘢，消耗得太多，唔夠糖分。有得熱、有得攰係好事，係福氣，尤其呢個階段，整個行業寒冬時候，要演得更加好，更要珍惜機會。」