陳曼娜讚外籍新抱 叻到煮滿漢全席

久違幕前多時的陳曼娜,與《皆大歡喜》等經典劇集的編劇鮑偉聰再度合作,拍攝網劇《如何對付我的港女新抱》,飾演野蠻奶奶的她,跟劇中新抱李靜儀大鬥法,陳曼娜笑言:「其實老人家同新抱鬥吓氣都幾好,唔使搵節目消磨時間,又唔使花時間搵腳打麻雀,仲可以防止老人癡呆症。」

現實中,陳曼娜對外籍新抱Amy讚不絕口:「新抱知我個仔鍾意食中國菜,特登去報堂學,例如生炒排骨、蛋撻、叉燒等,仲買咗成櫃調味醬料。我係一個『無飯媽媽』唔識煮餸,但新抱逐個餸菜去學,叻到幾乎可以煮滿漢全席,睇得出佢好愛我個仔,我仲開心過搵到錢!」另外,本來她要飛往美國見證孫女Eleanor出世,但因疫情而取消行程,她說:「BB依家3個幾月大,到依家都未抱過個孫,希望疫情快啲過去,立刻飛去探佢。」