連詩雅恨做阿媽雪卵有優惠
入行10年的連詩雅，首套主演兼唱主題曲的無綫劇《那些我愛過的人》近日熱播，是其一份有紀念性的禮物。拍過不少電影的她笑言拍劇時間長，投入感較大：「幾有趣又幾恐怖，嗰排好似變咗第二個人，同事都覺得我有啲唔同咗，有少少失去咗『連詩雅』，變咗角色『方書文』。」
唔信有白馬王子
她在劇中飾演婦科聖手，長知識之餘更提醒自己為將來打算，恨生仔的她坦言考慮雪卵：「我唔渴望結婚，但渴望生仔，真係好想有自己嘅小朋友。我母愛幾氾濫o架，但會結咗婚先生小朋友。依家科技咁好，我仲係30頭，仲有時間。」又笑言拍劇帶挈有雪卵折扣優惠：「我有考慮雪卵，拍劇嗰陣有個婦科醫生話有折扣添，但係令我卻步原因係手術會痛，同埋個樣會腫，影響工作。」
最近傳她與陳家樂撻着，問到對方可是其結婚生仔的理想對象？她笑言：「唔知喎！細個都相信有白馬王子，但人愈大，愈唔信有理想對象，好多嘢都係機緣巧合，感情係冇得計劃。」