忙於拍攝無綫新劇《七公主》的江嘉敏，昨日在社交網自爆撞車，留言報平安︰「行錯路又塞車，仲要撞車！車有事吖，不過好彩人冇事！」並指是其人生首次遲到，即向受影響的演員及工作人員「耍冧」，同時令她感受人間溫暖︰「每個人都衝過嚟問我有冇事，好窩心！」
她受訪時透露當時由他人做司機︰「坐咁耐車，真係第一次咁近身出事，因為廠景接外景冇瞓覺，所以唔係我揸車。當時好塞車，後面車狂響號，就喺我哋Cut線之際，前面架車毫無先兆Cut線仲急停，所以就車頭碰到車尾。」
