參演內地真人騷《乘風破浪的姐姐》的女星，位位30歲以上，包括陳松伶、伊能靜、張雨綺及鍾麗緹等。唱得之人松松於節目中載歌載舞，雖然早前練習時不慎拗柴傷腳，不過仍堅持上陣，相當專業。
有指眾女拍攝Solo環節時，因時間太長，有人捱不住發脾氣及喊，松松受訪時笑言：「冇喊呀！無啦啦做乜喊？不過之前錄影真係好攰，時間好長，因為有30個姐姐，每人都要錄15分鐘，全日嘅流程好長時間。」