藝人陳小春昨日現身養和醫院，剛榮升第二任爸爸的他透露細仔於5月29日出世：「開刀嘅，改咗佢花名叫Hoho，即係「好好」。（你入咗產房？）係！但冇出手剪臍帶。（追多個？）夠皮嘞，一家四口，成雙成對！」
他指大仔陳胤捷（Jasper）有點「抑鬱」：「佢突然問我咩叫jealous（妒忌），我唔知點解釋，惟有同佢講『no big deal』。頭先同佢視像，平時好多嘢講嘅佢突然間好靜，我同佢講，夜啲返去陪佢踩單車同睇波，佢先開心番。」
