沈震軒「工傷」攞假冧女友
藝人沈震軒昨日現身將軍澳電視城，準備出發往南生圍拍劇，見他左腳戴上護膝，原來是「工傷」︰「拍動作戲整親舊患。（女友陳欣妍心痛？）佢叫我小心啲囉！年紀大咗，唔到我唔錫身，捱兩晚夜都冧廠。」又自嘲可預演另一新劇《超能使者》的裝義肢角色。
提到女友生日，他冧指特地請假食飯慶祝，以免再犯死罪：「佢好注重節日。（禮物？）有送少少。（戒指？）唔係呢啲咁嘅嘢，佢食餐飯都好開心。（唔想成家立室？）都37歲，佢係對的人，不過冇Plan，所有嘢安定啲先。（同隔籬台女星拍拖有壓力？）冇，會照拖手。」