黃宗澤拍劇上腦英文「溝」張曦雯

黃宗澤學埋英文潮語，同張曦雯梗係冇「代溝」！

藝人鄭裕玲、陸永及C君主持的第4輯《Do姐有問題》昨日錄影，嘉賓有張兆輝、黃宗澤（Bosco）、張曦雯、姜皓文及譚凱琪等。新一輯的問題圍繞無綫，訓練班出身的張兆輝笑說：「睇吓考啲乜啦！如果講訓練班嘅嘢就有着數。」又自言一向沒遊戲運，多年來從未贏過台慶抽獎，自嘲玩遊戲反應慢。談及好友黃日華的太太梁潔華過身，他說：「有慰問佢，佢一家人好堅強，仲話『輝仔唔使擔心，我哋OK o架』，咁我都放心啲。」

「宅」到發福

而Bosco在劇集《飛虎之雷霆極戰》中大晒英語對白，他說：「有讚有彈幾好吖！拍攝前搵咗個英語老師學習，始終我唔係外國長大，唔識外國嘅潮語，老師都有幫手修改對白。」張曦雯亦大讚他勤力：「佢講得好好，好努力，嗰排仲要求同我用英文溝通。 」此外，Bosco近期因疫情留在家中，問到怎樣打發時間，他笑說：「做家務、運動、油漆、帶啲狗去行山，但都肥咗3磅幾！」張曦雯即揚言自己在家狂打機亦肥了少許，Bosco即笑問她是否肥在腳趾上。

張兆輝（左）與姜皓文同是好戲之人，特別好傾。

譚凱琪趁夏天晒吓腿，非常醒神！

至於鄭裕玲被問到可有加人工，她說：「約一早簽咗，最緊要係做得開心。」問到有關電視台的題目可能考起她？她笑說：「有啲都考起我，不過好多問題啲片都有我，睇番都幾得意。」