杜小喬罩到實阻住Kiss男友
藝人杜小喬昨日到電台宣傳新歌《側臉》，冧笑承認獻唱時想起男友譚永浩：「不過其實首歌Sad Sad哋，講最尾分開，但我唱嗰陣諗起啲開心嘢，嘴角唔小心向上揚，所以依家係幾Sweet嘅版本。」又透露男友教她唱歌及彈結他：「佢教嗰陣冇發脾氣，反而我有時會忟憎。」
談及其音樂劇之前受疫情影響而延期，她透露6月17日會演出，近日已加緊排練：「最得意係要做表情，但個個都戴晒口罩，甚至加塊膠片，成件事好似好有距離。」問到戴口罩豈非不能與男友綵排Kiss戲？她尷尬笑說：「嘩！呢個要留待觀眾入場感受吓。」