《姊妹淘》升呢翡翠台播 蔡嘉欣：唔使失業喇！
已有九年歷史的無綫J2長壽節目《姊妹淘》早前被傳「摺埋」，實情是因話題貼近潮流，獲公司打造升級版，並建新錄影廠，7月「升呢」在翡翠台播出。由於節目改革重新出發，內容更趨時尚，但會保留節目中各主持坐高櫈晒美腿的指定動作。
主持方面會變得更Young，其中再做媽咪的吳若希因佗BB而要暫時休息，原有班底張寶兒、傅嘉莉、蔡嘉欣與李君妍等亦繼續留守。被睇重的蔡嘉欣對節目「升呢」感興奮，透露剛收到通知下星期返公司開會：「終於有得返工，唔使失業喇！希望快啲開工！（覺得受重用？）公司有工作機會畀我已經好開心，我會更加努力裝備自己！」