周柏豪帶「武器」露營 收服袁偉豪

柏豪表演劈柴，小心啲好喎！

藝人周柏豪與袁偉豪早前為無綫節目《兩個小生去Camping》在秘景露營拍攝，並邀請了菊梓喬、連詩雅及張寶兒等做嘉賓，昨日在將軍澳電視城開記者會分享拍攝點滴。柏豪笑說當年主動結識Ben：「當年仲用緊ICQ（網絡通訊軟件），Ben係出名嘅校草，網上流傳佢嘅ICQ帳號，於是加咗佢，就識到依家。」Ben笑言最初以為柏豪是女生，要求他上載相片驗明真身，柏豪笑說：「當時想入行，希望佢畀意見，畀條路我行吓。」Ben形容柏豪是可愛Oppa，為節目將經營多年的形象放低，拍攝過程沒化妝、沒整頭，希望觀眾看到最真實的一面。

嫌兄弟慢半拍

「雙豪」識於微時，珍惜兄弟情，問到旅程中可有發現對方難頂之處？柏豪笑說：「佢講嘢真係好慢，好多時要叫佢講快少少。有時收到佢嘅短訊，聽完幾條聲都仲未講到件事！」又笑言拍攝過程有「秘密武器」，就是Ben的女友張寶兒，只要她在，Ben就會主動出手負責洗碗工作。

袁偉豪即場示範煮食，女友張寶兒即上前幫忙。

「雙豪」邀來張寶兒、鄧佩儀、連詩雅及菊梓喬齊齊去露營。

連詩雅烏龍下廚

至於張寶兒與連詩雅分享拍攝時的烏龍事，連詩雅笑說：「平時喺屋企煮嘢食都冇嘢，但係上節目就出事，除咗整意粉冇味，仲成煲嘢倒咗落地！」又指Ben與寶兒這一對默契十足，一個眼神已經心領神會。問到會否羨慕？她笑說：「呢啲冇得羨慕，係緣分嚟。」張寶兒則踢爆柏豪很怕曱甴，相當搞笑！