陳嘉倩唱上癮惡補歌喉
前新聞主播陳嘉倩向來Talk得，原來亦是唱得之人，先後在石詠莉和梁釗峰的網上騷大展歌喉，似乎唱上癮的她明日將有第三擊，再亮相網上直播音樂會！
早前嘉倩忙於綵排，與無伴奏合唱組合SENZA A Cappella試唱，她說：「今次同音樂監製方樹樑合作，係一個慈善騷，希望可以籌款。自己好鍾意唱歌，平時都會喺社交平台分享同朋友Jam吓歌嘅片段。今次難得有機會，有Live band一齊Jam番晚，好緊張，因為開騷時仲會同樂隊ToNick合唱。」她自認唱歌只是業餘，近幾個月有找歌唱老師惡補：「有Keep住練吓歌，希望唔好失禮。大家可能近期心情都有啲壓力，希望可以喺呢個時候為大家帶來啲正能量。」