蕭正楠嚴控餐單 收身做「古人」

蕭正楠、阮兒與簡淑兒等昨日為無綫劇《一笑渡凡間》拍外景，見淑兒變了「痘皮妹」，原來劇情講她中了邪氣而發病，好姊妹阮兒和蔣家旻帶她求醫，其後她更會成魔，收服經常欺負她的阮兒。首次拍古裝的阮兒表示拍得很開心：「造型好靚，好好玩！劇中我蝦淑兒，現實中我哋好好傾(口架)，係好姊妹！」
為免着古裝唔靚，蕭正楠忍口收身。
為免着古裝唔靚，蕭正楠忍口收身。

至於演濟公的蕭正楠明顯瘦了一圈，面形亦瘦削不少，原來他開始了減肥計劃：「之前疫情留家咁耐，再開工都要Keep，唔想着古裝唔靚。（餐單係點？）好簡單，主要係將澱粉質嘅食物放喺日頭食，傍晚6點後唔食嘢，都辛苦，但為咗上鏡靚OK啦！遲啲疫情緩和開番關，我會去馬來西亞拍飲食節目，到時都要食，不過就另類啲，由食材點樣種出嚟開始拍，到點樣煮出嚟。我同黃祥興一齊做，佢係大廚，有佢喺度坐鎮冇難度！」

滿面痘皮的簡淑兒（中），被蔣家旻（左）與阮兒帶去睇醫生。
  • 滿面痘皮的簡淑兒（中），被蔣家旻（左）與阮兒帶去睇醫生。