衛詩雅斷腳焗跳鋼管舞 預咗撻落地
腳傷未愈的衛詩雅迎接新挑戰，在新戲中用斷腳大跳鋼管舞，更預告「出事」！以為她大可跟跳鋼管舞跳到攞獎的師姐蔡卓妍請教，但她「另有苦衷」，只會向替身及武指求助。
英皇電影《墮落花》前晚舉行首映，盛裝赴會的溫碧霞及郭奕芯以低胸裝鬥性感，同場還有衛詩雅、關智斌（Kenny）、陳煒、陳家樂、吳浩康及洪卓立等。滑雪時發生意外致左腳斷骨的衛詩雅，至今仍未完全康復，她說：「呢排忙做ViuTV劇集《歎息橋》宣傳，所以物理治療要延遲，惟有自己喺屋企練動作，左邊Pat Pat都仲係痛，希望忙埋就快啲做番物理治療。」
她解釋心急康復，是為了應付暫定7月開拍的新片，最令她頭痛的是要跳鋼管舞：「仲要用我斷嗰個位勾住條柱，導演話可以畀替身我，但我唔想用，希望今個月可以康復，因為起碼要練一個月。」
郭奕芯重溫情慾戲
談及師姐蔡卓妍曾在電影《非分熟女》中跳性感鋼管舞，更憑該片在《澳門國際電影節》勇奪「最佳女主角」，但衛詩雅未有因近「城隍廟」而向師姐「求好籤」，她說：「因為套戲講我跳得唔叻，有一幕危險啲，我要連人帶柱跌落嚟，佢哋驚我再整親隻腳，會預備定替身同武指，希望拍嗰陣順利啦！」
溫碧霞與Kenny受訪時被問會否再合作，她大爆：「導演已經寫緊另一個劇本，好似話想搵番原班人馬。」Kenny則指角色有些變態，故花了很多工夫演繹。至於與Kenny有情慾戲的郭奕芯表示，二人同場睇戲時勁尷尬：「上次睇係電影節，Kenny坐我隔籬，到我哋嗰幕時好尷尬，我不停郁嚟郁去，好彩好快過咗，同埋導演拍得好靚。」