羅霖美容生意得番4成
藝人羅霖接受香港開電視訪問，她表示經營多年的美容院早前應政府停業令關閉28日，近日才重開，她說：「疫情發生前美容院每月平均有200萬營業額，現時每月生意額只得之前約4成，舖頭喺港島區租金貴，但係業主唔肯減租，加上停業近一個月，更加係雪上加霜。」
疫情下羅霖曾感到灰心，但沒想過放棄美容生意，她說：「抗疫期間一定要樂觀正面，而且我唔想員工失業，所以構思咗好多方法扭轉經營困局，例如用『疫情價』吸引多啲客人幫襯。雖然扮靚唔算係生活必需要做嘅嘢，但女仔始終貪靚，有信心生意會隨住美容院重開好轉。」講到香港疫情有放緩迹象，但羅霖與三個兒子也不敢鬆懈，她說：「我依家啲口罩夠用一年，呢個疫情一日未有疫苗，而二仔Jordan喺美國，會叫佢盡量少啲出街。」