藝人顏卓靈（Cherry）最近自編、自導、自演、自資拍攝呼籲戴口罩短片，在社交平台收到相當大的回響，不少藝人如吳彥祖、方力申、導演彭秀慧等也轉發支持。現正旅居澳洲的她說：「呢度有99%嘅人唔戴口罩，見到真係好擔心。自從新冠肺炎全球大流行後，香港有99%人戴口罩，因為香港人經歷過2003年沙士慘痛教訓，但係外國人習慣有病先戴口罩，所以好想話畀佢哋聽戴口罩嘅重要性。」
Cherry獨自完成短片製作，直呼難度高：「我只係一個演員，又唔係導演、又唔係編劇，可以點拍呢？中間有過好多次掙扎，不過心裏面有把聲要我必須要做咁。」為令短片增加吸引力，她用輕鬆方法拍攝，在社交網推出的第一日已得到一對外國男女的回應，Cherry興奮地說：「佢哋話見到我條片決定戴口罩，真係好開心，希望一傳十，十傳百，人人都戴口罩，保護自己同埋其他人。」