吳紫韻上堂學做兜踎衰人

無綫藝人吳紫韻（Purple）前年成為「美女學徒」，去年開始擔任娛樂新聞台主播，亦拍攝過《3日2夜》等綜藝節目，她希望未來有更多嘗試：「例如飲食節目，因為我好鍾意食嘢同去旅行。」Purple曾客串《愛．回家之開心速遞》，期望有機會拍多些劇集，而她亦一直有上戲劇班，問到想挑戰甚麼角色？她笑言不介意做奸角：「好似同平時嘅我好大出入、甚至好醜、地踎嘅角色都想試，幾好玩咁。」提到想合作的對象，她透露主持方面想跟前輩鄭裕玲學習，與對方合作更是她在無綫的其中一個目標；演戲方面就想與影帝劉青雲合作：「佢係我嘅dream man！好鍾意佢做戲，之前有次訪問佢，佢個人好風趣，佢係我好鍾意嘅前輩同藝人。」