陳豪擔心子女復課享受困獸鬥
早前痛失愛雀的陳庭欣，日前與陳豪拍新劇，雖然心情已平復，但她講到為愛雀剪輯短片時，即忍不住眼泛淚光。至於育有3子女的陳豪，對於下月復課十分擔心，又表示很享受與子女共處的時光！
陳庭欣（Toby）和陳豪日前在灣仔拍攝無綫新劇《陀槍師姐2020》，陳豪坦言擔心5歲及6歲的兩子將於6月復課，問到停課期間與子女增進感情還是「困獸鬥」？他說：「有啲家長可能會覺得煩咗，我相信絕對有，同小朋友24小時長時間對住，如果地方細啲，本身有口角，嘈吵就會多。但我不嬲最鍾意同三個細路、老婆一齊，有乜嘢開心得過依家！」另外，有傳他去年以3,000萬獲無綫包薪續約，成為最高薪藝人，就算冇劇拍，每月都有幾十萬收入，他笑言：「好多謝大家咁睇得起我，我會繼續努力做到最好。」
陳庭欣膠布遮靚樣
至於Toby臉上貼了膠布，她笑言是劇情需要，自爆要碌落樓梯及被淋油，很滿意「受傷樣」：「好處係化妝化少一格，同埋膠布加咗膠水黐緊啲，有助脫面毛，可能皮膚仲好咗。」原本飼養3隻愛雀的她，其中一隻愛情鳥Warawara早前離世，故她非常擔心遺下的另一半Gorogoro：「愛情鳥出名一雙一對，有啲Case係一隻去咗，另一隻好快跟住去。好彩佢仲肯食嘢，但好黐我哋會扭抱，不過覺得佢靜咗。」
憶亡雀拍喊戲
早前她花兩天剪輯Warawara的短片給家人留念，說時忍不住眼泛淚光：「人生第一次剪片，原來好艱難。之後傳畀父母，媽咪話睇到喊，依家講起我都掛住佢。（之前你喺《東張西望》忍唔住喊。）我好渣，唔夠專業。（好快收拾心情工作？）第一、二日喊得好勁，盡量唔好提起。不過拍喊戲，我諗住佢可能會有幫助。」