蔡思貝捧胡鴻鈞場等睇激咀

藝人蔡思貝昨日到電台受訪,見她悉心打扮,笑問是否有約會?她笑說:「係難得出關,之前拍《踩過界II》醜咗5個月,拍完想扮吓靚,轉頭可能會去影吓相,好好咁經營社交平台。」

她謂趁現時放大假,會的起心肝做一直恨做的事:「想去學整陶瓷。(人鬼情未了咁?)可以係一個人創作爆發,仲想學打鼓。」又自認做宅女煲劇,問到有否追睇緋聞男友胡鴻鈞主演的《降魔的2.0》?她表示有支持:「覺得心姐(謝雪心)做得好感人。(鄧佩儀話有同胡鴻鈞激吻,你會睇?)冇所謂,係角色需要。」隨即扯開話題指同時還收看《十八年後的終極告白》:「知道楊秀惠畀咗好多心機去學手語。(佢賠錢提早離巢、被人貼大字報。)冇同佢傾呢啲,淨係祝福佢個小朋友健康。」