日本女團AKB48前成員大島優子主演名導石井裕也執導新作《只能唱的心聲》，佢同仲野太賀飾演一對青梅竹馬嘅夫妻，點知有日畀老公撞破姦情，加埋姦夫發展一段扭曲嘅關係。
大島優子曾經喺日劇《東京白日夢女》玩不倫，今次就挑戰做不忠妻子同媽咪，精神層面更複雜。劇照見佢着睡裙坐喺床上，一臉鬱悶，導演仲爆料話佢演一場發狂戲嗰陣，分唔清佢究竟係真癲定假傻！