蔡瀚億拍戲躁爆老婆忍足成年

藝人蔡瀚億（BabyJohn）學習日本茶道8年，最近自資開辦茶道相展，一同學習的太太擔任顧問兼低調出鏡。BabyJohn與攝影師好友花了個多星期在戶外拍攝，他笑說：「嗰個星期天氣最反常，除咗落雪、落雹之外，講得出嘅天文現象都有齊，有張相我企喺水中央影，有龍蝦仔爬上我隻腳，仲試過唔小心踩狗屎。」
蔡瀚億自資開相展，老婆難得低調出鏡。
蔡瀚億自資開相展，老婆難得低調出鏡。

談及夫妻之道，他認為有共同興趣很重要，又笑言不知何謂「七年之癢」：「有遇過唔開心嘅時候，有段時間拍戲拍到躁狂，癲咗咁，佢要忍我嘅脾氣，花咗一年時間解決。（有冇試過抽離唔到角色？）冇話抽離唔到，而係甩唔到個情緒狀態，需要時間過濾。」

蔡瀚億的水中照甚有意境，實質雙腳不停被咬。
  • 蔡瀚億的水中照甚有意境，實質雙腳不停被咬。