馬國明傳娶唐詩詠：由佢自己公布

馬國明與劉佩玥玩遊戲時非常落力。

藝人馬國明、劉佩玥（Moon）及譚凱琪等昨日宣傳無綫劇集《降魔的2.0》，期間眾人大玩遊戲。忙於為新劇《BB大晒》開工的馬國明，大讚劇中女兒可愛，平日會買零食氹對方。

• 譚凱琪對新劇收視充滿信心。

劉佩玥睇化生死

對於經常與他傳緋聞的「契妹」唐詩詠，近日於社交網預告將送禮物給亡母，惹來網民猜測是否結婚，他笑言：「其實我真係唔知，都唔關我事，呢排忙緊開廠，冇時間聯絡，佢嘅消息都係由佢自己公布啦，相信到時候佢自然會交代咩事。」又指與詩詠各有各忙，跟《鐵馬尋橋》群組沒甚聯絡，就連日前詩詠生日，亦未有時間約她食飯慶祝，希望之後有時間大家出來聚聚。

另外，Moon的愛貓日前離世，她坦言內心很痛，但工作時仍會全情投入。問到之後會否再養貓？她說：「都需要少少時間，如果再養，下次我應該都會領養。拍完呢套劇後，我對生死睇得放開咗啲，覺得有捨先有得。」