出爐金像影帝太保，前晚偕袁富華及區嘉雯等出席活動，太保日內將返台灣，準備為兩部電影開工：「希望唔使隔離啦！（加片酬？）唔會，仲係『街巿價』，最重要有工開，我會繼續做『綠葉』。」袁富華則透露日前踩單車時「炒車」，擦損兼拉傷肌肉。對於老友蘇玉華及潘燦良入紙註冊結婚，他說：「啱啱先知，又話一齊結！（幾時到你？）等疫情結束先，始終想將最好嘅畀女友。」
