貝安琪壓力減得快屋企冇交嗌
名模貝安琪（Ankie）從小在德國長大，之後孤身到紐約讀大學，面對陌生環境加上沒有朋友，導致情緒低落：「當時好辛苦又好驚，覺得自己好慘，加上對自己要求高，變咗好大壓力，好多負面情緒。後來學瑜伽識到好多朋友，情緒好咗。媽咪（劉香萍）之前唔明，問我點解做咁多瑜伽，但依家佢都鍾意咗。」
夫妻之道要坦誠
Ankie心態變得正面，老公功不可沒，他無限量支持妻子所有決定，成就一段美好婚姻，Ankie說：「我唔會同老公嗌交，因為有乜唔啱就會即刻講出嚟，唔會放喺心，如果即時解釋就唔會有咁多誤會。」練習瑜伽多年的她，最近試玩空中瑜伽，發覺懸空做動作並不容易：「空中瑜伽有更多伸展動作，感覺將個人拉到好長，當做到個動作好靚，好有滿足感。」
此外，Ankie趁日前38歲生日放閃，上載水着及與老公Kiss的照片，留言：「謝謝你一直以來都在逗我笑，把我放在重要位置，當我傷心時，你會把膊頭伸出來讓我倚着哭！老公你是我最好的，我愛你……期待更多樂趣！」