湯洛雯熱到出水內衣打孖跟身

無綫藝人湯洛雯昨日在將軍澳電視城為新劇《一笑渡凡間》開工，故事講她年輕時因縱容老友做壞事，最後老友被問斬，她遂立志成為捕快。一身古裝的她被問到近日天氣酷熱是否拍得辛苦？她說：「今日冇咁熱，前幾日熱到流晒汗，有啲同事差啲中暑。我OK，同蕭正楠拍《翻生武林》都係最熱嘅時間拍，慣咗夏天拍古裝。」問到可有消暑良方？她說：「其實都冇，我會準備兩套內衣褲更換，每換一次衫都會換內衣，同埋有兩把風扇跟身。」