林夏薇投入肉搏徐榮同老公分房瞓

藝人林夏薇、黃翠如、高海寧、陳曉華等昨日在將軍澳電視城出席新劇《七公主》拜神，人妻林夏薇指角色是入行以來最大挑戰，看劇本時也「嘩」一聲，劇中與徐榮及鄭子誠有感情線，與徐榮更有激烈的親熱戲，她笑說：「劇本寫冇着衫，仲要喊住，除咗要防走光，仲要兼顧情緒。」她自爆沒跟老公「備案」，但因角色情緒起伏太大，為入戲提出拍攝時跟老公分房瞓。提到有傳堂兄林峯做老竇，她說：「只係江湖傳聞，係嘅話都等佢自己講。」

而黃翠如為新劇剪短兼染黑頭髮飾演律師，笑指老公蕭正楠很不習慣其「惡樣」，她說：「未試過做律師角色，仲要係一個狠辣、鍾意贏、唔友善嘅角色。」

問到可會像林夏薇一樣為入戲與老公分房瞓？她笑說：「屋企得一張床，咁睇吓邊個瞓梳化喇！」又指為背好對白，連開車時也在唸。

高海寧引「小鮮肉」埋身

至於高海寧與陸永這對「陸Ling」組合，高海寧飾演Man爆貨車司機自爆束胸上陣，劇中有不少「小鮮肉」埋身好艷福，陸永笑說：「咁我都紮一紮先可以同佢拍。」講到鄭裕玲飛起農夫與新組合拍廣告，陸永笑說：「冇話要霸住對方，要放嘟姐出去玩吓嘅，哈哈！」陳曉華演的秘書既斯文又有黑暗一面，笑言心急獻螢幕初吻。

黃翠如為角色染黑髮一臉Cool樣，型到爆！

高海寧於劇中分分鐘Man過陸永。

此外，公主之一的陳瀅因由加拿大返港作家居隔離而缺席，而近期受女友朱智賢「偷食」困擾的謝東閔，亦未有現身拜神。