關智斌畀家用氹老竇客串
歌手關智斌（Kenny）日前拍攝新歌《日月》MV，除了有曾入圍爭香港電影金像獎最佳新演員的陳湛文參演外，最大彩蛋是請得關父粉墨登場。為兒子獻出螢幕第一次的關父表現緊張，但Kenny讚父親專業。原來關父讀書時也曾當選做話劇男主角，但嫌對白太多而辭演，Kenny反應頗大的說：「你知唔知我真係艱辛咗好多年先可以做男主角呀？」
關父再自爆當年曾打算投考藝員訓練班，後來放棄了，Kenny即笑說是好事：「如果唔係，邊有咁快追咗我阿媽，到時我分分鐘未出世！」至於父親的酬勞，他笑說：「係搭膊頭，家用我會酌量加番啲。」