男友偷嗒助手仔都生埋 林雅詩死心：我係蠢女人！

現年42歲的Grace於1997年參選香港小姐，雖然只進身二十強，但成功加入娛樂圈，並演出多部三級片。2017年她與前夫溫文英正式離婚後，與馬天樂發展「地下情」。惟有讀者向本報爆料，指男方一腳踏兩船，背Grace「偷食」，更聲稱該名女子疑已為他誕下小朋友，並提供一系列相片和對話截圖。相中所見，馬天樂在床上用手機自拍，與身後一名小朋友和一名女子同睡覺的合照，另一張則見到他赤裸上身抱着小朋友睡覺，估計小朋友約兩歲大。

對話截圖洩密

疑似馬天樂與女子的對話截圖中，見二人不時為感情問題爭拗。女方不想困在三角關係故提出離開：「你不捨兒子，留給你，一個不夠，兩個畀晒你，我一人生活也可以，就是要走出這種陰霾，做回自己。」當時男方雖身在馬來西亞，仍多番作出挽留：「不會一輩子的，請忍耐多一會，我會好好解決她的。我愛你是真心的，請不要再亂想，我會用盡我方法去保護你，令你難過的時刻真的對不起，請原諒。」

本報聯絡上Grace，聽到詳情後她感到相當愕然，沉默良久後說：「我需要時間冷靜吓。」及後本報再提供讀者提供的照片，她終承認與馬天樂拍拖三年：「我真係好震驚，佢同我一齊咁耐，呃咗我咁耐，原來仲同人生埋個仔！」她坦言需要時間處理情緒，更爆出相中女子是馬天樂助手：「我覺得佢好工心計，平時我哋出席活動，佢都會幫手，完全睇唔出佢哋之間係有嘢！（分手？）我要啲時間消化吓。」

不再相信愛情

前夫被指偷食而離婚，如今男友被爆「出軌」，她直認「死蠢」：「我覺得自己好坎坷，我係一個蠢女人！我唔會再相信愛情，一次又一次係咁，我唔會再拍拖。」聯絡上馬天樂求證，他表示：「冇回應。（你同助手咩關係？佢同你有小朋友？）你問番Grace啦！」便匆匆掛線。