蔡瀚億開相展晒濕身照
藝人蔡瀚億昨日到電台宣傳本月在深水埗小店舉辦的個人相展，透露將展出52張作品，不過當中只有3、4張有其身影，並補充：「免費入場，主題圍繞我學日本茶道8年嘅時間。（點解學茶道？）因為鍾意食和菓子，好想學日本傳統文化，最後揀咗茶道。」
他表示今次特意邀朋友參與，疫情間用了5日去郊外取景，並展示其中一幅濕身作品：「呢張相係我行入個潭，影咗成個鐘！個潭入面有3隻龍蝦仔、一群魚，好跣，其中有兩隻龍蝦仔仲要係咁爬上我隻腳，啲魚就好似去泰國Spa幫你食死皮咁！我唔太驚，由得佢哋，始終係我闖入佢哋地頭。」禁聚令仍然生效，他表示活動會做分流，每次限8人進場，亦會做足所有防疫措施。他又預告若當天毋須開工，就會落場做導賞員，與入場者面對面交流。