黃智雯床戰譚俊彥隻手擺邊？
藝人譚俊彥與黃智雯拍攝「激烈床戲」，二人笑言過程一點也不好受。智雯直言播放時要帶男友外出食飯「避風頭」，貪靚又專業的她更說：「拍嗰時淨係諗隻手要擺得靚啲！」
譚俊彥、黃智雯、陳山聰等昨日為無綫劇集《十八年後的終極告白》宣傳，對於劇中火辣激情戲成熱話，譚俊彥與智雯卻齊聲表示過程不好受：「現場企晒工作人員，又有人攞住反光板。」譚俊彥形容：「等於報告新聞，上面着恤衫、下面係條牛仔褲一樣囉！」智雯只留意現場燈光及自己手部擺位問題：「最緊要畫面效果好。」她更搞笑指播出時，會與男友出街食飯。譚俊彥則說：「我就避無可避，老婆實會睇番，拍嘅時候我都叫佢唔好嚟，有啲尷尬。」
前晚播出二人隔門「撻着」戲份，譚俊彥坦言：「我哋覺得場戲好緊要，拍嘅時候唔夠時間，所以要求重拍。我要智雯出真眼淚，出嚟效果我哋好滿意。」智雯感激他儼如半個導演，幫自己入戲。
陳山聰望親手剪臍帶
山聰身穿印有比堅尼圖案恤衫到場，搞笑表示要代拍檔楊秀惠「露Bra」，而身在馬來西亞坐月的秀惠抱B拍片為大家打氣。山聰被問懷孕太太近況，他說：「佢都唔緊張，莫家淦太太識幫BB按摩，有去佢哋屋企上堂，陪月都請埋，用番陳敏之嗰個。」他表示預產期約7、8月：「我依家開工拍劇，同監製講咗，生嗰日要畀我去醫院。（入產房親手剪臍帶？）會！相信BB出世嗰刻，我會感動落淚。」