《香港奇則》咁都得？ 李尚正登堂入室變則通

香港寸金尺土，住宅單位要用盡空間，故經常出現奇形怪則，香港開電視最近就找來黃芳雯（Paula）、李尚正及盧頌恩（妹頭），一起主持節目《香港奇則》，並將於本月16日起，逢星期六晚上十時三十分於免費電視77台播放，節目將走訪本地酒吧、住宅、商舖及寫字樓等，並請來本地專業設計師，講解如何在有限地方，設計出符合實際需要的作品。

Paula鍾情獨立屋

家住元朗獨立屋的Paula，透露拍攝期間經常睇豪宅，對一間位於摩星嶺的複式單位印象最深，她說：「個單位係一對夫婦同小朋友住，其中小朋友嘅房間設計得好細心，有衣帽間同獨立洗手間，洗手間仲整到好似酒店咁靚，住喺嗰度嘅小朋友一定好幸福。我都有小朋友，所以對有關嘅嘢感受大啲，作為媽媽梗係想畀小朋友最好環境。」她指該單位設有視聽室，是男主人的私人基地，設有密碼鎖，非常特別。

談到對住屋的要求，Paula不諱言愈來愈高，育有兩個小朋友的她，近月四出睇樓：「都係鍾情住屋仔，呢排疫情就更加發揮到作用，因為冇得出街，小朋友可以喺小花園放電同曬太陽，所以搬屋都係傾向搬番呢類型。」

李尚正與3狗同居

李尚正則自言生活水平長期於貧窮線下徘徊，曾住過港九新界，現時以萬多元租住中環、面積約400呎的單位，過去4年搬屋3次，故傢俱愈搬愈小，現居僅得簡單傢俬，不過再加上3隻愛犬，李尚正笑言活動空間欠奉。問到可有意上車當業主？他笑說：「之前上過啦！賺咗幾萬蚊好快使晒添，依家有少少想再買嘅諗法，但要睇定啲先！」

至於妹頭就嫌新樓不夠實用，向來喜歡舊樓，現居的單位樓齡也有50年，她說：「新樓會唔捨得拆廁所、廚房，反而4、50年代樓好實用，又冇窗台，好似我住緊間屋咁，當時係拆晒內籠再重新裝修，啲朋友嚟親都讚好舒服。」

八鄉潮樓呼朋喚友

於第二集內容中，節目將走訪新界八鄉一幢有80年歷史的青磚樓，業主乃元朗原居民，並已移民外國，該幢樓原本相當殘舊，早已丟空多時，近年租給一班熱血青年，沒料他們相當有Heart，把該幢舊得幾乎要塌下的小屋改頭換面，搖身一變成為一間非常有風格、卻保留歷史痕迹的酒吧。不但如此，酒吧還自設釀酒工作室，成為招呼三五知己把酒談心的聚腳點，然而絕不對外開放，街外人亦無法光顧。