荷里活男星艾斯頓古查近日同影星老婆喺家中避疫，可能喺屋企屈得太耐冇心機執靚個樣，佢日前同老婆接受名嘴Jimmy Fallon視像訪問嗰陣走晒樣，同以往青靚白淨嘅佢判若兩人！艾斯頓受訪時被Jimmy問到唔需要隔離時想做乜，佢話平時最愛做就係裸身出外周圍走，之後佢除衫露出稀疏嘅胸毛，老婆即刻取笑老公啲胸毛似足「蝙蝠俠標誌」！