黃嘉樂唔做細佬：一定要爭氣！
藝人黃嘉樂入行接近20年，因經常演出「細佬」等角色而被網友封為無綫「御用細佬」，他接受東網節目《娛場》訪問時，自言曾有前輩向他提點：「有啲同事係出於關心會叫我爭氣啲！我覺得自己熟讀晒劇本，已經好努力。」雖然暫時未有做男主角的機會，但他近年終於努力擺脫「御用細佬」形象，例如他在《解決師》中飾演江湖人物李天翔的手下，二人的Hehe情更成為劇中CP之一；在《果欄中的江湖大嫂》中演退隱江湖大佬，演技備受肯定。
黃嘉樂自認入行初期並沒有珍惜機會，直至爸爸過身前的鼓勵，他才決心改變。一提到已故的父親，他十分感觸並崩潰爆喊：「諗住可以畀啲更好嘅生活佢，生活畀唔到不特止，仲要睇住佢病。我好記得自己喺醫院度好似做戲咁，跪喺度求佢唔好再食煙，我話一定會好，你要留番條命去享福，但最終……」
成工作推動力
因為實踐給爸爸的承諾，成為了他在工作上的推動力，他說：「我同自己講一定要爭氣，我唔知自己係咪真係叫有進步，但全程投入應該會有人睇到！」
https://bit.ly/2W7qe7T