Lucy被嚴母監管：扭計唔會得逞！
藝人李璨琛和太太梁志瑩（Sophia）的女兒、現年兩歲的李元元（Lucy），憑住冬菇頭及「厭世臉」俘虜網民心，迅速吸納超過15萬名粉絲追蹤，為本年最年輕兼最火紅的網紅！日前Lucy接受本報訪問時 ，已被不少路人認出，她卻淡定的主動揮手，甚有「巨星風範」，甫聽到大熱兒歌《Baby Shark》即聞歌起舞跳「Lucy Shark」，發揮其可愛本色。
Sophia對於女兒成為大家的開心果，原來是無心插柳：「當初開個社交帳戶，出發點只係記錄佢嘅生活，冇諗過佢會咁受歡迎。（Lucy外形曾被一小撮網民攻擊？）最重要我覺得佢可愛，我相信小朋友有令人快樂嘅魔力。」
自認嚴母的Sophia大爆囡囡「惡行」：「就算佢點扭計都唔會得逞，我真係會好惡咁話佢，但佢喺爸爸面前會作狀，爸爸一鬧佢就好傷心，真係前世情人！」
領悟知足常樂
計劃三年內再生B的Sophia，說非常感謝Lucy：「佢係小天使，帶畀我好多快樂，令我更明白知足常樂，佢亦都係我嘅老師，不停提醒我人嘅一生好簡單，唔需要執着。」