符曉薇「第三者」阻造人
歌手陳柏宇（Jason）的太太符曉薇，去年投資6位數開童裝網店，但因廠房設於湖北，疫情下計劃叫停。自女兒Abigail出世後，她放棄金融工作轉做KOL，騰出更多時間「爭女湊」，因收入大減而改掉大使習慣：「老公係最大金主，屋企使費全部用佢張附屬卡，以前每個月卡數6位數，依家5位頭。」
兩口子結婚3年來一直是歡喜冤家，最激一次更直播吵大鑊：「當時個女得3個月，沖完涼我話同佢着片先，Jason就話着衫先，發脾氣叫我解釋，當時好多朋友都睇住直播。」朋友直指他們的「爭女」行為變態，提議追多個唔使爭，她說：「我都想，但最困難係個女，因為同我瞓。（好耐冇夫妻活動？）澳洲旅行有，二人世界，唔講啦！」