黎瑞恩開Live氹歌迷

歌手黎瑞恩前晚在社交平台舉行禁聚令歡送會Live騷，直播吸引4千歌迷瀏覽，累計則有22萬，好友馬浚偉、周慧敏、譚耀文及梁漢文等留言支持，其中馬浚偉更捐出200個慈善飯盒，有歌迷和應再捐出100個，令她大為感動。她受訪時說：「破咗最高瀏覽人數紀錄，期間音響故障，走咗嘅粉絲，但好快又返番嚟。」並點名鳴謝馬浚偉有心捐飯盒。問是否為慈善開Live？她表示不想以慈善掛帥，只求粉絲及自己開心。不少歌迷讚她愈唱愈好，她卻自嘲：「一向唱得衰，以前開Live前又聲沙又咳，唔知係咪有心理障礙。（今次唱得好好喎！）我諗係因為呢排開多咗，唱多咗又冇事。」