向劉佩玥「露械」被鬧肉酸 馬國明咁快死？

馬國明昨日返電視城開工，預告將有意識踩界的「動作戲」。

監製讚CG進步

對於網民的「失落位」，監製方駿釗說：「今次CG比第一輯進步，投入資源多咗，但香港電視製作Budget始終唔可以同荷里活相比，但整體嚟講已經靚咗好多。」至於馬國明的角色，監製表示是專登設計：「一個三十多歲嘅中佬，雖然個心好想轉變，好想承接石敢當嘅天命去降魔，奈何生活逼人。人始終有劣根性，會鹹濕、貪心，亦唔想佢咁快變降魔大師，反而冇咁好睇。」又「劇透」角色下星期會遇到大劫，更會被殺並墮入另一世界。而此劇另一搞鬼之處是有不少串星，前晚一集清潔二人組《愛．回家》的Terry、KC已出場，還搞笑咀嘴；之後還會有飾演一對的「大小姐」林淑敏與徐榮、陳瀅、楊明及江嘉敏等。

胡鴻鈞撐角色多變

馬國明昨日現身電視城，談到前晚一集他借小解「召喚」石敢當時遭劉佩玥撞正，更搞笑「露械」，卻被網民取笑底褲肉酸，他笑說：「底褲係公司，想營造麻甩感覺，我冇呢種底褲。」又預告會有意識踩界的「動作戲」。而劉佩玥受訪時笑說：「拍嘅時候好安全，唔會出錯。（有冇失望？）完全冇期望，所以冇失望，之後有激情場口，但都係搞笑為主，佢會主動錫我，可以話係世紀一吻！」而胡鴻鈞則為「豪仔」平反，指其性格會隨劇情改變，情緒變化多過石敢當，希望觀眾喜歡。

睇完馬國明「全相」的劉佩玥，呢個手勢係咩意思？

馬國明向劉佩玥「露械」一幕，被嘲底褲肉酸。