許廷鏗黐脷筋搵治療師矯正

歌手許廷鏗昨日到電台宣傳新歌《無力感》，近日演出網上音樂騷時獲讚「海豚音」，他笑說：「我都唔明點解係叫『海豚音』，可能我係許廷鏗，所以就叫做『海豚音』。」對於網民讚他的唱功完勝另外兩位新人，他指不可以作比較：「唱現場太多因素，畀啲時間佢哋去進步。我以前唱歌都畀人話黐脷筋，唔想再畀人笑，有跟老師學咬字，仲搵語言治療師去改善，慶幸依家少咗畀人話。」