莊思明漏夜操車考牌 喪仆唔怕瘀
藝人莊思明即將考電單車牌，最近頻頻跟教車師傅練習，日前晚上9時許，她又出動到銅鑼灣操練。身穿風衣及運動鞋的她，調校好電單車倒後鏡後，戴上手套及頭盔整裝待發。她先在較空曠的位置以8字形駕駛，雖然現場還有不少學車人士，但她完全未受影響，表現淡定，行車流暢。練習一番後，她駛到師傅面前問意見，經指正後，在師傅旁邊熟練地打8字，師傅對她的表現看來亦相當滿意。
方便親身拍劇
思明事後接受電話訪問，透露今年一月開始學車，最初經常跌倒，又撞到周身瘀傷：「好在冇大傷、冇流血，而且我唔怕跌，所以跌極都堅持要學。（點解想學？）想有個牌傍身，日後遇到角色需要，都可以親身上陣，唔使替身。（男友楊明有冇擔心？）佢有叫我小心啲，學電單車要專心，一分心就會跌，要開得慢，唔好太快。（有冇信心合格？）有信心考到牌，希望到時唔會太緊張，緊張就會影響表現。我覺得自己一直有進步，希望可以一次就合格。」
