施匡翹唔驚肉麻 日日示愛
歌手蔣嘉瑩昨日為即將舉行的網上慈善籌款直播演出綵排，當晚有師妹施匡翹做嘉賓，屆時會唱足一個半小時，她笑言準備了很多歌，即使唱到凌晨亦可：「又唔係紅館，唔使罰錢。」今年母親節老公不在港，她透露會與媽咪及兒子食飯慶祝：「之前學校會教囝囝做小手工送畀我，但今年冇開學，相信未必有喇！」
施匡翹自言很重視5月，除了是母親節，亦是她與媽咪的生日月：「會諗吓買乜禮物，我會同媽咪分開慶祝兩個節日，冇理由咁慘要佢蝕。通常母親節送花，佢生日就整蛋糕。」綵排時，她與蔣嘉瑩合唱《Ma Ma I Love You》，她覺得這首歌別具意義，又夠直接：「好多人未必咁直接同媽咪講『我愛你』，唱歌時順便表達埋冇咁尷尬。我每日都會講，因為我同媽咪冇隔膜，比較肉麻。」