藝人王梓軒身在美國，日前他透過視像通話，接受洪永城訪問。談到當地疫情嚴峻，梓軒說：「有次我去酒會，之前因為花粉敏感食咗藥，去到又唔記得咗件事。飲飲吓酒，我突然成個瞓低斷晒片，身邊嘅人唔敢扶起我，淨係大叫我經理人，個個驚我中咗招！」
他透露間中會外出購物：「去到超市，見有人用消毒藥水，幾乎成架手推車消毒晒，好安全。」又自爆身邊友人不幸確診：「佢病情唔算好嚴重，有關方面覺得要留番啲醫藥畀嚴重病患先。佢完全冇接受醫療輔助，結果10幾日足足瘦咗15磅。」