黃智雯難抽離角色 「偷食」減壓
黃智雯自爆拍劇時難以抽離沉重角色，導致情緒低落，逃避到不想開工，收工後要靠「偷食」減壓，幸而有好姊妹趙希洛陪伴開解，笑言對方是她的救星。
無綫花旦黃智雯於熱播劇《十八年後的終極告白》演繹經歷生離死別的角色，由幸福家庭變家破人亡，演技挑戰直逼響朵作《三個女人一個「因」》。她坦言拍攝時難以抽離角色，心情沉鬱：「劇裏面有好多喊戲，情緒起伏好大，可以一秒間由幸福變成失去晒所有嘢。拍攝3個月嘅日子，長期保持住低落情緒，其實唔止我一個，大家都係咁，一起身諗起個角色，又要投入番情緒，嗰排真係好唔開心，直頭係驚咗返工。」她笑言當時破食戒，靠食薯片減壓氹自己開心。
靠趙希洛開解
她慶幸開工時有好姊妹趙希洛相伴開解，拍完劇後，二人到日本旅行，進行情緒治療：「好彩同劇有趙希洛，見到佢好似見到救星咁，攬住佢傾偈，抒發情緒。拍完我哋又即刻去日本買嘢、食嘢散心，嗰一刻係抒發咗，但返到香港又會諗番，都要半年時間先完全冇事。」
唔諗攞獎
智雯一直被外界公認演技出色，有望憑《十》劇攞獎，她謙稱：「攞獎唔會諗太多，反而依家接角色，會諗有冇突破，自己以前做唔到咁沉重嘅角色，今次係一個訓練、經歷，將來再遇到呢啲角色都唔會逃避。」