歌手洪卓立昨日到電台宣傳新歌《無他》，自爆冇化妝、整頭，因在家做運動時傷及左腰舊患，只能做「硬直男」！他摸住腰說：「係幾日前嘅事，以為好快好番，但依家啲肌肉緊晒，感覺似『瞓捩頸』，所以盡量唔好郁咁多。」不過他還未的起心肝睇醫生，問是否諱疾忌醫，他尷尬承認有陰影，故連媽咪亦隱瞞。稍後他將入ViuTV劇組及去內地拍古裝武打片，希望盡快復原：「唔想出到嚟感覺好似好硬，但睇醫生之前，想搵健身教練啪骨先。」
